Məxfilik siyasəti
Bu siyasət «Danışsana» mobil tətbiqinin (bundan sonra — «Tətbiq») sənin haqqında hansı məlumatları topladığını, nə üçün istifadə etdiyini və necə qoruduğunu izah edir. Tətbiqi Gafar Masimli təqdim edir. Əlaqə: gafardeveloper1@gmail.com.
1. Hansı məlumatları toplayırıq
Hesab
- İstifadəçi adı və parol. Parol yalnız şifrələnmiş (hash) şəkildə saxlanır — biz onu görmürük.
- Doğum tarixi — yalnız 18 yaş yoxlaması üçün; profildə göstərilmir.
Profil (istəyə bağlı)
- Ad, bio, şəhər (özün yazırsan), maraqlar, dillər, cins (gizlədə bilərsən), profil şəkli, səsli bio.
Yaratdığın məzmun
- Otaqlar (ad, örtük şəkli), otaq çatı, şəxsi mesajlar (mətn və səsli mesaj), klublar, hədiyyələr, izləmələr.
- Şikayətlər və etirazlar (sübut kimi əlavə olunan mesajlar daxil), dəstək yazışmaları və şəkilləri.
- Təsadüfi söhbət mesajları, otaq oyunlarında yazdığın suallar.
Səs
- Otaqlarda, zənglərdə və təsadüfi söhbətdə səs canlı ötürülür və yazılmır. Yalnız müddət (məsələn, zəngin uzunluğu) saxlanır.
- Səsli mesaj və səsli bio — sən göndərdiyin üçün fayl kimi saxlanır.
Şəxsiyyətin təsdiqi (istəyə bağlı)
- Mavi nişan və ya ödənişli imkanlar üçün şəxsiyyət vəsiqəsinin (pasportun) şəkli və selfi — yalnız yoxlama üçün. Qərardan sonra silinir (ən gec 7 gün).
- FİN yazılıbsa, açıq şəkildə yox, yalnız geri çevrilməyən kod (hash) kimi saxlanır — eyni sənədlə ikinci hesab açılmasın deyə.
Ödənişlər
- Coin alışları Apple App Store vasitəsilə olur. Kart məlumatlarını görmürük.
- Alışın nömrəsi, məhsul, tarix, cüzdan balansı və əməliyyatları (coin, diamond, kupon, VIP) saxlanır.
Cihaz və təhlükəsizlik
- Cihazın modeli, əməliyyat sistemi, Tətbiqin versiyası, quraşdırma açarı (təsadüfi kod).
- IP ünvanı və cihaz məlumatı — girişlər, aktiv cihazlar və sui-istifadəyə qarşı qoruma üçün.
- Push bildiriş ünvanı (token), son aktivlik vaxtı.
Ayarlar
- Bildiriş seçimləri, sakit saatlar, məxfilik seçimləri, kampaniya bildirişlərinə razılıq.
2. Nə üçün istifadə edirik
- Xidməti göstərmək: otaqlar, mesajlar, zənglər, bildirişlər, cüzdan.
- Hesabın təhlükəsizliyi: girişlər, iki mərhələli təsdiq, saxta hesablara və sorğu selinə qarşı limitlər.
- Moderasiya: şikayətlərə baxmaq və qaydaları tətbiq etmək.
- Ödənişləri yoxlamaq və geri qaytarılan alışları nəzərə almaq.
- Dəstək və qanuni öhdəliklər.
- Kampaniya bildirişləri — yalnız razılığınla; istənilən vaxt söndürə bilərsən.
3. Kim görür
- Digər istifadəçilər: profilin (məxfilik ayarlarına uyğun), otaqda dediklərin və yazdıqların. Şəxsi mesajları yalnız qarşı tərəf görür.
- Təsadüfi söhbətdə qarşı tərəf yalnız ləqəbini görür — adını özün açmasan.
- Moderatorlar şikayət olunan məzmunu sübut kimi görür.
- Administratorlar şəxsi yazışmalara yalnız xüsusi icazə ilə (məsələn, ciddi şikayət və ya qanuni tələb) baxa bilir; hər baxış jurnala yazılır.
- Xidmət təminatçıları (bizim adımıza işləyirlər): Supabase — verilənlər bazası, fayllar, server funksiyaları; LiveKit — canlı səs (Avropa, Frankfurt serverləri); Apple — ödənişlər və push bildirişlər. Push bildirişin mətni (göndərənin adı, mesajın əvvəli) Apple vasitəsilə telefonuna çatır; mesajın mətnini bildirişdə gizlətmək olar (Ayarlar › Bildirişlər).
- Dövlət orqanları — yalnız qanunla tələb olunduqda.
Məlumatlar Azərbaycandan kənardakı serverlərdə emal oluna bilər; ötürülmə şifrəli bağlantı ilə olur.
4. Nə qədər saxlayırıq
- Hesab silinəndə 30 gün ərzində bərpa etmək olur; sonra hesab və ona aid məlumatlar birdəfəlik silinir (qanunla saxlanması tələb olunan ödəniş qeydləri istisna). Göndərdiyin mesajlar qarşı tərəfin söhbətində «silinmiş hesab» adı ilə qala bilər.
- Şəxsiyyət sənədlərinin şəkilləri — qərardan sonra (ən gec 7 gün); baxılmamış müraciət 30 gün sonra bağlanır.
- Təsadüfi söhbət mesajları — söhbət bitəndən 30 gün sonra silinir.
- Dəstək şəkilləri — müraciət bağlanandan 180 gün sonra.
- Giriş tarixçəsi (IP, cihaz) — 180 gün.
- Şəxsi mesajlar — sən söhbəti təmizləyənə və ya hesab silinənə qədər.
5. Hüquqların
- Məlumatlarını yükləmək: Ayarlar › Məxfilik › Məlumatlarımı yüklə.
- Düzəltmək: profil və ayarlar.
- Silmək: Ayarlar › Hesab və təhlükəsizlik › Hesabı sil (və ya bu səhifə).
- Kim sənə yaza, zəng edə bilər — Ayarlar › Məxfilik; istənilən istifadəçini bloklaya bilərsən.
- Bildirişləri və kampaniyaları söndürmək — Ayarlar › Bildirişlər.
Sual və ya şikayətin varsa: gafardeveloper1@gmail.com.
6. Təhlükəsizlik
Bütün bağlantılar şifrəlidir (HTTPS / TLS). Parollar hash şəklində saxlanır, telefonda giriş açarları şifrəli saxlanır. İki mərhələli təsdiq (2FA), sui-istifadəyə qarşı limitlər və moderasiya var. Heç bir sistem tam təhlükəsiz deyil, amma riskləri azaltmaq üçün davamlı çalışırıq.
7. Yaş həddi
Tətbiq yalnız 18 yaşdan yuxarı istifadəçilər üçündür. 18 yaşdan kiçik olduğu aşkar edilən hesablar bağlanır.
8. Dəyişikliklər
Siyasət dəyişəndə bu səhifədəki tarix yenilənir; əhəmiyyətli dəyişiklikdə Tətbiqdə xəbər veririk.
9. Əlaqə
gafardeveloper1@gmail.com · Tətbiqdə: Ayarlar › Kömək mərkəzi.